الفكرة اللي البرنامج مبني عليها
البرنامج مش بيخزّن الصور. ده قرار مقصود.
استوديو بيصوّر ١٠٠ فرح في السنة معناه تيرابايتات. لو النظام حاول يخزّنها،
هيبقى بطيء وغالي ومحتاج سيرفر ضخم.
بدل كده، البرنامج بيتتبّع رقم الصورة المسجّل بالكاميرا + اسم الكاميرا + تاريخ
الطلب، ومعاهم مرجع داخلي بيمنع تكرار الأرقام. الصور تفضل على الهارد بتاعك،
والنظام بيعرف يوصّلك لأي طلب في ثواني.
اللي بيحصل في الاستوديو
- العميل بيحجز جلسة → بتظهر في الأجندة
- بعد التصوير بيتعمل طلب بأرقام الصور
- الطلب بيمشي في مراحل: تحميض / تعديل / طباعة / تسليم
- لو ألبوم → حجز ألبوم بمواصفاته من المخزن
- الدفعات بتترصد، والتقارير بتقولك أرباحك
قاعدة البيانات مرفقة
ده مش نظام محتاج مهندس سيرفرات. PostgreSQL 17 جاي مع البرنامج وبيتنزّل مرة واحدة.
وانت اللي بتحدد مكان البيانات — حطها على قرص غير قرص الويندوز، وكده لو
الويندوز باظت تنصّبها من جديد والبيانات زي ما هي.
التقنيات
Next.js 15 و TypeScript و Prisma و PostgreSQL 17 و Tailwind، وواجهة عربية RTL كاملة.
عوامل السعر والمدة
عدد الفروع والمستخدمين، ومراحل الشغل عندك، وهل عايز ربط بالطباعة،
وحجم البيانات اللي هتتنقل من نظامك القديم.
