المشكلة
العيادة اللي بتشتغل بدفتر مواعيد وروشتة مكتوبة بالإيد بتفقد حاجتين: تاريخ المريض
وفلوسها. المريض بييجي بعد ٦ شهور ومحدش فاكر اداله إيه، والمستحقات الآجلة بتضيع.
إزاي البرنامج بيشتغل يوم كامل
- السكرتيرة بتحجز الموعد — بيظهر في تقويم اليوم
- المريض بيوصل → الحالة تتغيّر لـ «في الانتظار» فبتبقى غرفة انتظار حقيقية
- الطبيب بيفتح الكشف: علامات حيوية، شكوى، تشخيص، وروشتة
- الروشتة بتتطبع بترويسة العيادة
- الفاتورة بتتعمل تلقائي من التعريفة، وتتسجّل مدفوعة أو آجلة
- آخر اليوم: تقرير بالدخل والمصروفات وصافي الربح
حاجات مبنية على شغل حقيقي
- قوالب الروشتة — الطبيب بيحفظ بروتوكول متكرر (مثلاً سكر نوع ٢) ويستخدمه بضغطة
- الرصيد الآجل بيتحسب على المريض تلقائياً، فبتعرف مين عليه فلوس
- موعد المتابعة بيتقترح تلقائي حسب المدة اللي انت محددها في الإعدادات
- مقاسات الطباعة A4 و A5 والحرارية ٨٠مم
الخصوصية
البيانات كلها محفوظة محلياً على جهاز العيادة — مفيش رفع لسيرفر خارجي.
والنظام جاهز للتحويل لقاعدة بيانات سحابية لو حبيت تربط أكتر من فرع.
التقنيات
Next.js 16 و TypeScript و Prisma و SQLite و Tailwind 4، وواجهة عربية RTL كاملة.
عوامل السعر والمدة
عدد الأطباء والفروع، وهل عايز ربط بالمعامل أو الأشعة، وشكل الروشتة والفاتورة
المطلوب، وهل هتنقل بيانات من نظام قديم.
